ವರುಷದ ಹಿಂದೆ

 

                                   

ವರುಷದ ಹಿಂದೆ ,

ಸದ್ದಿಲ್ಲದೇ ನೀ ಬಂದೆ ..

ಪ್ರೀತಿಯ ಬೀಜವ ಮನದಲ್ಲಿ ಬಿತ್ತಿದೆ..!!!

೭ ಹೆಜ್ಜೆ,೩ ಗಂಟು,ಗಟ್ಟಿಮೇಳ,ಅಕ್ಷತೆ,

ಮಂಗಳಾಷ್ಟಕ,ಅರುಂಧತಿ ನಕ್ಷತ್ರ ,

ನಡುವೆ ಹೊಳೆಯುತ್ತಿತ್ತು ಪ್ರೀತಿ ರತ್ನ!!!

ಹಸಿರು ಗಾಜಿನ ಬಳೆಗಳ ಸದ್ದು,

ನೀ ನನ್ನ ಕೈ ಹಿಡಿದು,

ಸಪ್ತಪದಿ ತುಳಿವಾಗ ಪ್ರೀತಿಯೇ ಹಿರಿದು..!!!

ಗೃಹ ಪ್ರವೇಶ,ಮರು ದಿಬ್ಬಣ,ವರ-ಭೇಟಿ,

ಹನಿ ಮುನ್ನಾರ್,ಮೈಸೂರು - ಊಟಿ,

ಸಾಗಿದ್ದೆ ತಿಳಿಯಲಿಲ್ಲ ಒಂದು ವರ್ಷದ ಭರಾಟೆ..!!!

ನೂರು ಕನಸುಗಳ ಹೊತ್ತು,

ನನಸಾಗಿಸುತ್ತ ಸಾಗಿದೆ,ಬಾಳ ಗಮ್ಮತ್ತು,

ಹೀಗೆ ಸಾಗುತಿರಲಿ ಬಾಳ ನೌಕೆಯ ಮತ್ತು !!!

ನಾ ಬೇಡುವುದಿಷ್ಟೇ ದೇವರಲಿ,

ಸುಖವಿರಲಿ,ದುಃಖದಲಿ,

ಸಮಪಾಲು ನಮಗಿರಲಿ...!!!

ಕೂಡಿ ಬಾಳಿ,ಕೂಡಿ ಅಲೆ-

-ದು ,ಬಾಳ ನೌಕೆಯು ಸಾಗುತಿರಲಿ!!

 

 

-------ಚಿನ್ನು-----