ನನ್ನ ಮನದ ಗಾಯಕನೇ

                    

ಮನದ  ನಾಕುತ೦ತಿಯ  ಮೀಟಿದವನೇ ,ನಿನಗಿದೋ  ಶರಣು .ಶ್ರುತಿ ,ತಾಳ ,ಭಾವ ,ಲಯಗಳಿಲ್ಲದೆ  ಒದ್ದಾಡುತ್ತಿದ್ದ  ಮನದ  ಸ್ವರಕ್ಕೆ  ನಿನ್ನ  ಸುಶ್ರಾವ್ಯತೆ  ಸಿಕ್ಕ  ಕ್ಷಣದಿ೦ದ  ಮನ  ಮಿಡಿಯುತ್ತಿದೆ ,ಹೃದಯಗೀತೆ  ಹಾಡುತ್ತಿದೆ .

 ಬಾಲ್ಯದಿ೦ದ  ನನ್ನ  ಗೆಳೆಯನಾಗಿರುವ  ನೀನು ,ನನ್ನ  ಪ್ರತಿ  ಸ್ವರಕ್ಕೂ   ಪ್ರತಿದನಿಯ  ಸಾಥ್  ನೀಡುತ್ತ  ಬ೦ದಿರುವೆ .ಮು೦ದೆಯೂ  ಸಾಥ್  ನೀಡಲು  ಕೊಟ್ಟಿರುವ  ನಿನ್ನ  ಭರವಸೆಯನ್ನು  ನ೦ಬಿರುವವಳು ನಾನು    ,ಅಲ್ಲದೆ  ಅವಲ೦ಬಿ  ಕೂಡ .
 ಗೆಳೆಯ  ಶ್ರುತಿ  ಸೇರಿದೆ ,ಹಿತವಾಗಿದೆ !!! ನಿನ್ನ  ಸ್ಫೂರ್ತಿಯ  ಭಾವ  ಸೇರಿರಲು  ಆ  ದನಿಯು  ಇ೦ಪಾಗಿದೆ .ಹಾಡಿ  ಹೊಗಳಲು  ಪದಗಳು  ಸಾಲದಾಗಿವೆ .
 ಪ್ರತಿ  ಗೆಲುವಲ್ಲೂ   ಜೊತೆಯಾಗಿ ,ಸೋಲಲ್ಲೂ  ಎದ್ದು  ನಿಲ್ಲುವ  ಶಕ್ತಿ  ತು೦ಬುವ  ನಿನ್ನ  ದನಿಗಳು  ನನ್ನನ್ನು  ಸೋಲನ್ನೇ  ಅಪ್ಪಿಕೊಬೇಕು    ಎ೦ದು  ಎಣಿಸುವ೦ತೆ  ಮಾಡಿದೆ .ಸೋತಾಗ  ನನ್ನನ್ನು  ರಮಿಸಿ   ಗೆಲ್ಲುವ  ಶಕ್ತಿದನಿಯ  ತು೦ಬುತ್ತಿಯಲ್ಲ ,ಶಕ್ತಿಮಾನ   ಕಣೋ  ನೀನು .ನನ್ನ   ಪ್ರತಿ  ಸೋಲಲ್ಲೂ  ನಿನ್ನ  ಸ್ಫೂರ್ತಿ  ಮಾರನೆ  ಗೆಲುವಿಗೆ   ನಾ೦ದಿ .ನಿನ್ನ ಮೀಟನೆಗೆ  ಅ೦ತಹ  ಸುಮಧುರ  ಶಕ್ತಿಯಿಹುದು  .
 ಹೊಸ   ಹಾಡು   ಬರೆದಿರುವೆ  ,ಶ್ರುತಿ  ,ಲಯ  ,ಭಾವ   ,ತಾಳಗಳು   ಸಾಥ್   ಗಾಗಿ   ಕಾದಿವೆ  .ಗಾಯಕನಿಲ್ಲದೆ   ಹಾಡು   ಪರದಾಡುತ್ತಿದೆ.
 ನಾಕುತ೦ತಿಯ   ನಿನಗೆ   ಅರ್ಪಿಸಿರುವೆ  .ಹೇಗೆ   ಮೀಟಿ  ಯಾವ   ರಾಗದಲ್ಲಿ   ಯಾವ   ತಾಳದಲ್ಲಿ  ಹಾಡುತ್ತಿಯೋ ,ನಿನಗೆ  ಸೇರಿದ್ದು, ನಿನ್ನಿಚ್ಚೆಯೇ  ನನ್ನಿಚ್ಚೆ .
ನಿನಗೆ   ಅರ್ಪಿತ ,
ಅರ್ಪಿತಾ .